შთაგონებული ნამდვილი მოდა ხელოვნების ფორმაა, რომელიც ადამიანისთვის უაღრესად პირადია. მისი დახმარებით შემოქმედებითი ინდივიდები საკუთარ თავს შეიმეცნებენ და მკაფიო, ექსცენტრიულ შინაგან სამყაროს გამოხატავენ. ესენი არიან ახალგაზრდა პროფესიონალები, ანტრეპრენერები, ინოვატორები, ექსპერიმენტატორები. მათ საკუთარი განსაკუთრებულობა უყვართ, ჩვენ კი – ისინი. ამ ექსპრესიულობის საპასუხოდ, მიზნად დავისახეთ, მაღალი ხარისხის პროდუქცია შეგვექმნა, ნათელი, ფერადი ტონებითა და თანამედროვე თუ ტრადიციული ჭრილებით. კომპლექსური რეალობის პარალელურად, ჩვენი დიზაინიც მუდმივად ვითარდება და თანამედროვე მოდის გამოწვევებს პასუხობს. ყველაფერი იწყება შთაგონებით: წარმოვიდგენთ როგორ გამოიყენებთ ჩვენს ნებისმიერ აქსესუარს, როდესაც მიდიხართ სამსახურში, ქუჩაში, გასართობად; ვეძებთ უნიკალურ ფორმას, გრძელვადიან და მეტყველ დიზაინს, რომელსაც ჩვენი გუნდი სიყვარულითა და დიდი ყურადღებით ამუშავებს. შედეგად კი, განუმეორებელ ემოციას გთავაზობთ. ეს არის ქართული ბრენდი, რომელიც ილია გეფერიძემ თავის მეუღლე სოფიკო ხოსიტაშვილთან ერთად შექმნა. მათი მოკრძალებული ანტრეპრენერული მოგზაურობის დასაწყისიდან მალევე, გეფერინი საქართველოში ერთ-ერთი ყველაზე სწრაფად მზარდი ბრენდი გახდა. ბრენდი საქართველოს გარდა 11 ქვეყანაშია წარმოდგენილი, 42 გაყიდვის წერტილით. საექსპორტო ქვეყნები მოიცავს: აშშ, ჩინეთი, ჰონკონგი, კანადა, სინგაპური,ქუვეითი, იტალია, საფრანგეთი, შვედეთი, ყაზახეთი და უკრაინა.

გეფერინის შესახებ