ბლოგი კომპანიის წარმომადგენლებმა ჰონგ-კონგში გამართულ ტყავის პროდუქტების გამოფენაზე APLF-ი მონაწილეობა სააგენტოს „აწარმოე საქართველოში“ მხარდაჭერით მიიღეს. კომპანიამ კონტაქტები სწორედ "გამოფენის"ფარგლებში დაამაყარა საერთაშორისო მყიდველებთან ე.წ „buyer”-ებთან. შედეგად “გეფერინსა” და კომპანია "InterBlock Hong Kong Limited "შორის კონტრაქტი გაფორმდა. ქართული კომპანია ჰონგ-კონგშის ტერიტორიაზე ერთი წლის განმავლობაში ექსკლუზიური წარმომადგენელი იქნება.
„ჰონგ-კონგში, APLF გამოფენაზე მონაწილეობის მიღებამ ქართულ კომპანიას მოუტანა ძალიან დიდი წარმატება. სულ მალე ჰონგ-კონგში გაიხსნება ჩვენი ბრენდის მაღაზია, სადაც ნებისმიერ დაინტერესებულ პირს საშუალება ექნება ადგილზე დაათვალიეროს და შეიძინოს საქართველოში წარმოებული პროდუქცია,“ – ილია გეფერიძე, კომპანიის დამფუძნებელი.
მნიშვნელოვანია, რომ საქართველოს აქვს ღრმა და ყოვლისმომცველი თავისუფალი სავაჭრო სივრცის შესახებ შეთანხმება ევროკავშირთან, თავისუფალი სავაჭრო რეჟიმი დსთ-ს ქვეყნებთან, თურქეთთან, ევროპის თავისუფალი ვაჭრობის ასოციაციასთან (EFTA). ასევე 2018 წლიდან ძალაშია თავისუფალი ვაჭრობის შესახებ შეთანხმება ჩინეთთან, რაც დამატებით 1.4 მილიარდიან ბაზარზე საბაჟო გადასახადის გარეშე წვდომის საშუალებას აძლევს საქართველოში მოქმედ კომპანიებს.
უკან
